As variables son espazos de memoria dentro do navegador do cliente aos que se lles asigna un identificador mediante o cal pode accederse a eles dende todo o programa.

Pódese traballar con variables implícitas, que deben declararse e non se liberan ata que o navegador web pecha a páxina, ou explícitas, que non se declaran e poden eliminarse mediante o operador delete. Para declarar unha variable faise mediante o operador var:

var identificadordavariable

As variables poden ir asociadas a un valor, un obxecto ou unha función. Poden ademais ser de varios tipos: string (cadea de texto), number (número), object (obxecto), function (función), array (matriz), boolean (booleano ou lóxico), etc.