In summario

Le interfacie de conflictos de modification vole adjutar te a fusionar tu texto con illo actualmente publicate. Illo detalia visualmente le differentias inter le duo versiones del texto:

• Le passages de texto que differe appare in pares le unes al latere del alteres. Le version actual del pagina appare in jalne e le tue in blau. Al interior se mitte in evidentia le texto cambiate.
• Le passages de texto identic in le duo versiones appare como un barra gris, extendente se sur tote le latitude del pagina.

Como resolver un conflicto de modification

1. Pro cata par de texto, selige le version que tu vole conservar.
2. Modifica le texto seligite, si necessari.
3. Clicca sur Publicar modificationes. Un nove version del pagina se crea, combinante tote le texto seligite e le quadros gris.

Passo a passo

1. Orienta te.

Un tutorial te guida per le interfacie le prime vice que tu incontra un conflicto de modification. Tu pote aperir le tutorial de novo con un clic sur le icone de adjuta (?).

A fin de adjutar te a resolver le conflicto de modification, le interfacie detalia le differentias inter le duo versiones de iste maniera:

• Le passages de texto que differe appare in pares le unes al latere del alteres. Le version actual del pagina appare in jalne e le tue in blau. Al interior se mitte in evidentia le texto cambiate.
• Le passages de texto identic in le duo versiones appare como un barra gris, extendente se sur tote le latitude del pagina.
• If you want to copy your version (the entire article text with your edits) of the article page, click on the 'copy full text' link next to the blue marked 'Your revision' headline on the top of the interface.

2. Pro crear un nove version, fusiona tu texto con le texto actualmente publicate.

• Selige le passages que tu vole conservar cliccante sur le buttones de radio al latere de illos. Per predefinition, tote le textos del altere persona es seligite, dunque, si tu publica immediatemente, necun de tu modificationes al texto se conserva.
• Modifica le passages, si necessari.
  • Clicca sur le stilo nigre pro aperir le modo de modification pro un passage de texto. Si le stilo es gris, significa que tu debe primo seliger le passage de texto. Alteremente, iste version non essera salveguardate quando tu clicca sur Publicar.
  • Tu pote etiam modificar le passages de texto que es identic in le duo versiones.
  • Le indicationes del differentias inter le versiones dispare quando tu modifica un passage de texto.
  • Tu pote integrar partes de altere passages de texto con le function de copiar e collar, sia con iste function de tu claviero o con un clic dextre.
  • Clicca sur le marca de verification pro applicar le cambiamentos al quadro de texto e clauder su modo de modification.
  • Si tu vole discartar tu cambiamentos e reinitialisar le quadro de texto a su contento de ante le occurrentia del conflicto de modification, clicca sur le “X”. Isto etiam restaura le indicationes del differentias.

3. Publica un nove version del pagina.

Quando tu ha finite de seliger e modificar tote le passages, clicca sur “Publicar modificationes”. Isto combina tote le passages de texto seligite con le quadros gris in un nove version del pagina. Como sur tote le paginas wiki, tu pote primo previsualisar le cambiamentos con le button Previsualisar. Un clic sur Cancellar te retorna al version actual del pagina.

Version non JavaScript

Si tu non usa JavaScript, le aspecto o comportamento del function es le sequente:

• Tote le passages de texto appare in quadros de modification.
• Il non ha buttones in le quadros de modification.
• Le passages de texto que es identic in le duo versiones es sempre expandite.