Wie mer sich d'Arbet bi de Commons eifacher macht

Dateie uss andere Brojäkt überdrage

Do Dateie uss de Commons in allne Wikimedia-Brojäkt chönne verwändet werre, isch's e güeti Idee, Dateie mit re erlaubte Lizänz uss andere Brojäkt doher z überdrage.

E Fehler, wo bim Überneh vo Bilddateie vyli mache, isch dass numme s Vorschaubild mit re nydrigere Ufflösig wie s Originalbild überdrage wird. Wenn i me Artikel e Bild nit in siner Originalgrößi azeigt werre soll, no cha mer säll durch de Parameter thumb im Quälletekscht ystelle. Wenn öbber de Artikel alüegt, no wird em di verchleinerti, d'Vorschauversion azeigt. Au uff de Bildbschrybigssite wird normalerwis numme e Vorschauversion azeigt. Wenn du jetz s Bild vo derre Vorschaufunktion uss abspeichersch, no übernimmsch es dodemit in gringerer Qualität. D'Azahl vo de Pixel in horizontali Richtig wird in dèm Fall zum Dateiname dezüedo, was zum Bispyl e Dateiname 150px-Bispyl.png git.

Wenn dr e Datei uss me andere Wikimedia-Brojäkt übernoh häsch, no gibb a, uss wellem's chunnt (z.B. als.wikipedia.org), wer de ursprünglig Autor dört gßi isch, und de ursprünglig Dateiname. Säll goht am eifachste mit em "Move-to-commons"-Assistänt. Acht druff, dass de keini Bilder mit re unfreie Lizänz uffeladsch, wo zum Bispyl under de "Fair use"-Lizänz stoht oder under einere, wo kei kommerziälli Nutzig züelosst (lüeg au Umzug vo Bilder uff d'Commons). Sonigi Bilder werre sofort und ohni Warnig glöscht.

Wenn dr zu de Verwändig vo bstimmte Mediedateie - wo dr uff d'Commons überdrage wottsch - Froge häsch, no stell si bitte uff de Site Diskussion:Lizenzierig.

No meh Werkzüg