Ky udhëzues do t'ju ndihmojë në procesin e përdorimit të mijëra fotografish me rezolucion të lartë në Wikimedia Commons, të cilat janë pa pagesë për t'u përdorur. Udhëzuesi vlen edhe për mediat e tjera (p.sh.: audio dhe video) që gjenden në këtë faqe.

Wikimedia Commons-i ka 118,822,801 imazhe të licencuara lirisht dhe domen publik, audio dhe video të disponueshme në gjuhë të ndryshme. Wikimedia Commons-i vepron si arkiv qendror për projektet e ndryshme të Wikimedia-s; ai ka përmbajtje si nga organizata ashtu edhe nga njerëzit dhe është krijuar dhe e mirëmbahet nga vullnetarë.

Wikimedia është një lëvizje globale misioni i së cilës është të ketë përmbajtje edukative me qasje të lirë, ku secili mund të ndajë lirisht dijet.

Materialet multimediale në Wikimedia Commons mund të përdoren nga të gjithë, duke përfshirë edhe ato komerciale dhe çdo material përmban informacion se cilën licensë të përdorë. Licensat më të zakonshme të përdorura janë krijuar nga Creative Commons dhe kërkojnë që autorit t'u njihen të drejtat.

Ekzistojnë tre mënyra kryesore për të gjetur fotografi me cilësi të lartë në Wikimedia Commons:

Garat e fotografive

Wikimedia realizon gara të ndryshme fotografie me cilësi të lartë dhe me licensa të hapura:

	Fotografitë e përkryera: Fotografi me cilësi të shkëlqyer në një gamë të gjerë temash. Kliko "Më shumë" në fund të çdo seksioni për të parë gamën e plotë të imazheve me cilësi të lartë për subjektin në fjalë.
	Fotografia e vitit: Një përzgjedhje e vogël e fotografive me cilësi shumë të lartë të disponueshme në Wikimedia Commons, të zgjedhura çdo vit që nga viti 2006.
	Wiki Loves Earth: garë e përvitshme e ndërkombëtare fotografish. Fotografitë nga gara të ndryshme ndër vite: Kosovë 2024, Kosovë 2023, Kosovë 2019, Kosovë 2016, Shqipëri 2024, Shqipëri 2023, Shqipëri 2019, Shqipëri 2016.
	Wiki Loves Monuments: garë fotografie për trashëgiminë kulturore të monumenteve. Fotografitë më të mira nga Kosova dhe Shqipëria ndër vite: Kosovë 2014, Kosovë 2015, Kosovë 2016, Kosovë 2018, Kosovë 2019, Shqipëri 2014, Shqipëri 2015, Shqipëri 2016, Shqipëri 2018, Shqipëri 2019.
	Traditional Albanian food photography competition: Garë fotografie të ushqimit dhe pijeve tradicionale shqiptare. Fotografi të ndryshme ndër vite janë: 2024, 2023, 2022.
	Wiki Photowalk: Garë fotografie e përvitshme në Shqipëri dhe Kosovë për të fotografuar zona që nuk ngarkuar ende në Wikimedia Commons. Imazhet nga kjo garë 2024, 2023, Kosovë 2022, Kosovë 2021, Shqipëri 2021.

Meritat e autorit kërkohen për ripërdorimin e shumicës së imazheve të Creative Commons. Klikimi mbi një imazh do të sigurojë një faqe të ngjashme me atë të mësipërme, nëse shihni një lloj faqeje tjetër, thjesht klikoni në Hap shikuesin e medias poshtë imazhit.

1. Klikoni ikonën e shkarkimit në anën e poshtme djathtas të faqes.
2. Klikoni Shkarko skedarin origjinal për të shkarkuar versionin me rezolucion më të lartë i disponueshëm.
3. Klikoni Duhet të atribuoni autorin më tregoni se si dhe kopjoni tekstin e dhënë, mund të zgjidhni midis E thjeshtë, e përdorur aty ku hiperlidhja nuk është e mundur p.sh. në materialet e shtypura dhe HTML për ueb.